Table of Contents
Do not index
Do not index
39 wekies! 🥧
Gabi is die week so groot soos ‘n pampoen.
Die tyd het uiteindelik aangebreek…
en ek kan nie ons opgewondenheid in woorde vasvang nie 🥹
Daar is ’n spesiale stilte wat intree net voor alles verander. ’n Wete dat dit die laaste aand is voor ’n nuwe hoofstuk begin. En ek, wat nog altyd ’n mense-mens en ’n familie-mens was, kon aan niks beter dink as om daardie laaste aand saam met familie deur te bring nie.
Vir hierdie week se pampoen, het ek ‘n pampoentert gemaak 🥧
Die perfekte bygereg vir saam met ’n lekker braaivleisie en slaai, wat ons geniet het op die aand van 38w6d. ’n Rustige, gesellige aandete…met die wete dat ons lyfie die volgende oggend haar opwagting maak 😊
Dis ’n resep wat ek al vir jare gebruik. Ek het hom by my tannie gekry toe sy dit vir ons gemaak het, en sedertdien bly dit ‘n gunsteling: vinnig, maklik, en altyd heerlik. Trooskos.
Pampoentert
Bestanddele
- 2 K Pampoen (gaar, gedreineer en fyngemaak)
- 1 K Ideal Melk
- 1 K Witsuiker
- ½ K Bruismeel
- 2 Eiers
- 1 tl Vanieljegeursel
- ½ K Botter
- 1 tl Kaneel
Metode
1️⃣ Voorverhit oond tot 180°C
2️⃣ Meng bestanddele saam
3️⃣ Giet in oondpan of oondvaste bak
4️⃣ Bak vir 60-80 min tot goudbruin bo
